Eng yaxshi direktorlar Angliyadagi maktablarda direktor sifatida amaliyot o‘tashadi

Eng yaxshi direktorlar Angliyadagi maktablarda direktor sifatida amaliyot o‘tashadi.

Bu haqda Maktabgacha va maktab ta’limi vazirligi xabar berdi.

Xabarga ko‘ra, “Direktorlar uchun maktablarni rivojlantirish dasturi” g‘oliblari Angliyaning Portsmut universitetida malaka oshirish imkoniyatini qo‘lga kiritishadi.

Shunday salohiyatli direktorlar uchun trening Buyuk Britaniyaning Portsmut universiteti Ta’lim, tillar va lingvistika bo‘limi boshlig‘i, professor Stiven Korbett tomonidan o‘tkazilmoqda.

Ma’lumot uchun, Angliyaning Portsmut universiteti bilan hamkorlikdagi mazkur dastur 1-marta o‘tkazilayotgan bo‘lib, o‘z ichiga quyidagi 3 ta shartni qamrab oladi:

➖Hujjat topshirish. Nomzodlar ingliz tilini bilish darajasini tasdiqlovchi hujjatni taqdim etishi lozim (kamida B2 daraja).

➖ Yozma ish

➖ Suhbat

Ushbu tanlovda g‘olib bo‘lgan 28 nafar direktor Angliyaning Portsmut shahriga 2 hafta davomida malaka oshirishga yuborilishi rejalashtirilmoqda.

G‘oliblar dastur doirasida Angliyadagi Portsmut universitetida treninglarda ishtirok etishadi va 2 kun davomida Angliyadagi maktablarda direktor sifatida ham amaliyot o‘tashadi.

Ular keyinchalik Angliyada o‘rgangan tajribalarini boshqa maktab direktorlari bilan bo‘lishishlari ko‘zda tutilgan.