EIK Eronning yangi prezidenti bilan yaqin hamkorlikni intiqlik bilan kutmoqda
Evroosiyo iqtisodiy komissiyasi raisi Baxitjon Sagintayev Eronda bo‘lib o‘tgan prezidentlik saylovidagi g‘alabasi munosabati bilan Mas’ud Pezeshkiyonga tabrik yo‘llab, Eronning yangi rahbari bilan yaqin hamkorlikka umid bildirdi, deya xabar berdi komissiya matbuot xizmati.
"Sizning boy hayotiy tajribangiz va uzoqni ko‘zlagan siyosatingiz Eron Islom Respublikasining yanada rivojlanishi va gullab-yashnashiga ulkan hissa qo‘shishiga ishonaman. YEOII mamlakatlari Eron bilan do‘stlik va o‘zaro hurmatga asoslangan mustahkam hamkorligini yuksak qadrlaydi. Hamkorligimizni mustahkamlash va yangi imkoniyatlarni ochish uchun siz bilan yaqindan hamkorlik qilishni kutamiz”, — deyiladi tabrikda.
Sagintayev Mas’ud Pezeshkiyonga faoliyatida muvaffaqiyat, Eron xalqiga farovonlik tiladi
Sobiq sog‘liqni saqlash vaziri Mas’ud Pezeshkiyon Eronda 5 iyul kuni bo‘lib o‘tgan prezident saylovining ikkinchi bosqichida 53,6% ovoz to‘plab g‘alaba qozondi. Uning raqibi, Eron Milliy xavfsizlik oliy kengashidagi vakili, konservativ qanot vakili Said Jaliliy 44,3% ovoz bilan mag‘lub bo‘ldi.
