Eden Azarga turk klubi jiddiy qiziqish bildirmoqda

«Fenerbaxche» klubi «Real» yarim himoyachisi Eden Azarni o‘z safiga qo‘shib olmoqchi.

Bu haqda Turkiyaning Fotomac nashri xabar bermoqda. Manbaga ko‘ra, Azar bu yozda «Fenerbaxche» rahbariyatining ustuvor maqsadi hisoblanadi.

Hech kimga sir emaski, Azar anchadan beri «Real» uslubiga tushmayapti. Joriy mavsumda 32 yoshli belgiyalik «qaymoqranglilar» safida barcha turnirlarda bor yo‘g‘i yettita o‘yin o‘tkazdi, u bir gol urdi va bir golga assistentlik qildi, shuningdek, Qatarda o‘tkazilgan jahon chempionatida o‘z terma jamoasi bilan omadsizlikka uchradi.