Durov hibsga olinganidan keyin telegramda yangi firibgarlik turi tarqaldi

Telegram messenjerida yangi firibgarlik sxemasi tarqalmoqda, deb yozadi «TASS».

Qayd etilishicha, Telegram asoschisi Pavel Durov hibsga olinganidan so‘ng messenjerni qo‘llab-quvvatlash xizmati niqobi ostidagi firibgarlar foydalanuvchilarni o‘z shaxsiy ma’lumotlarini xavfsiz deb ataladigan manbaga o‘tkazishni taklif qila boshlagan.

Buning uchun potensial jabrlanuvchiga havola yuboriladi, u orqali u Telegram akkaunti uchun login ma’lumotlarini to‘ldirishi kerak, deyiladi xabarda.

Shundan so‘ng, firibgarlar jabrlanuvchining akkauntiga, yozishmalariga, fotosuratlari va videolariga to‘liq kirish huquqiga ega bo‘ladilar.

Foydalanuvchilarga messenjerdan barcha maxfiy ma’lumotlarni o‘chirib tashlash va begonalar bilan muloqot qilishda ayniqsa ehtiyot bo‘lish tavsiya qilindi.