Dahshatli qotillik! Qashqadaryoda 16 yoshli bolani o‘ldirib, ko‘mib yuborishgan

20 aprel kuni Qashqadaryo viloyatining Qamashi tumanida joylashgan Balandchayla qishlog‘i hududida 40-sonli o‘rta maktabning 10 sinf o‘quvchisi jasadi topildi.

O‘smirning qarindoshlari uni 26 martdan beri qidirishgan. Keyin esa o‘quvchining jasadi topildi. Bosh prokuratura esa maktab o‘quvchisini o‘ldirishda gumon qilingan sinfdoshi hibsga olinganini xabar qildi.

Balandchayla qishlog‘idagi mahalla faollaridan biri jinoyat qanday sodir bo‘lgani haqida gapirib berdi.

Bu bolalar, ya’ni marhum va uning qotilligida gumon qilinayotgan bola nafaqat sinfdosh, balki amakivachcha va yaqin do‘st bo‘lganlar. 26 mart kuni ular mol boqish uchun chiqib ketishadi. Keyin esa janjallashib qolishadi. Janjal vaqtida esa gumonlanuvchi do‘stini arqon bilan bo‘g‘ib o‘ldiradi. So‘ng jasadni ko‘mishga qaror qiladi. 25 kun davomida hamma yo‘qolgan bolani qidiradi. Uning jasadini topishganida esa shoqol yoki tulki bir qo‘li va oyog‘ini g‘ajigani ma’lum bo‘ldi , dedi u.

Qishloqdoshlardan birining aytishicha, marhumning otasi ishlash uchun boshqa davlatga ketgan bo‘lgan.

Avvaliga yo‘qolgan 16 yoshli o‘smirning qarindoshlari uni kimdir xafa qilgan va Rossiyaga yoki Qozog‘istonga jo‘nab ketgan deb o‘ylashdi. Uning otasi o‘tgan yili Kamachinsk tumanida yashagan. Faqat onasi besh farzandni tarbiyalash bilan shug‘ullanardi. Dastlab 20 aprel marhumning akasi ukasining yovvoyi hayvonlar g‘ajigan poyabzalini topdi va keyin marhumning yerdan chiqib turgan oyog‘ini ko‘rdi. Shundan keyin marhumning 26 mart kuni kim va qayerga ketgani surishtirila boshlandi.

Ma’lumotlarga ko‘ra, jasad topilgan kuni huquq-tartibot xodimlari qotillikda gumonlanib hibsga olingan amakivachchiga savol berishgan.

Xodimlarning aytishicha, qotillikdan keyin bola uyiga qaytib, otasiga bo‘lgan voqeani aytib bergan. Otasi esa bu haqda hech kimga gapirmaslikni tayinlagan bo‘lsa kerak. Hibsga olingan bolakay dastlab amakivachchasini ko‘rmaganligini aytdi. Biroq so‘roq davomida hamma narsani tan oldi , deydi manba.

Marhum 22 aprel kuni dafn qilindi.

Agar gumonlanuvchining aybi sudda tasdiqlansa, u 15 yildan 25 yilgacha ozodlikdan mahrum qilish yoki umrbod qamoq jazosiga mahkum etiladi.