Arab davlatlari ligasi Isroilning Livanga hujumlarini to‘xtatish va shoshilinch yordam berishga chaqirdi

Arab davlatlari ligasi (LAS) Isroilning Livanga hujumlarini to‘xtatish va shoshilinch yordam berishga chaqirdi.

Arab Ligasiga a’zo davlatlarning Qohirada doimiy vakillari Iroq chaqirig‘i bilan Isroilning Livanga uyushtirgan hujumlari munosabati bilan yig‘ilish o‘tkazdi.

Yig‘ilish yakunlari bo‘yicha Arab Ligasi tomonidan e’lon qilingan bayonotda delegatlar Isroilning Livanga hujumini «qat’iy qoraladi» va ularning davom etishi oqibatlaridan ogohlantirdi.

Arab davlatlari ligasi, shuningdek, «Livan hududiga har qanday bosqinchilik va uning biron bir qismini bosib olish umumarab milliy xavfsizligiga hujum sifatida baholanishi» haqida ogohlantirdi va bu harakatlar «xalqaro kelishuvlar va xalqaro huquqni ochiqdan-ochiq buzish» ekanligini ta’kidladi.

Arab Ligasi Isroildan xalqaro miqyosda javobgarlikka tortilishini talab qildi va arab davlatlari, shuningdek, do‘st davlatlarni Livanga zudlik bilan yordam berishga chaqirdi.