Mask respublikachining hayotiga suiqasd bo‘lgan Butlerdagi Trampning mitingida qatnashishga va’da berdi

Dunyoning eng badavlat kishilaridan biri, tadbirkor Ilon Mask AQSh prezidentligiga Respublikachilar partiyasidan nomzod Donald Trampning AQShning Pensilvaniya shtatida joylashgan Butler shahrida bo‘lib o‘tadigan saylovoldi mitingida qatnashishini aytdi. Bu haqda TASS yozmoqda.

Aynan shu shaharda iyul oyida bo‘lib o‘tgan miting chog‘ida oliy davlat lavozimiga nomzodga suiqasd qilingan.

Mask ijtimoiy tarmog‘ida "Men qo‘llab-quvvatlashimni ko‘rsatish uchun u yerda bo‘laman!" - deb yozdi.

Tramp avvalroq Butlerga qaytib, u yerda tarafdorlari bilan yana uchrashishini aytgan edi.