Afg‘onistonda bir tonna odam sochi noqonuniy olib o‘tilishi oldi olindi

Afg‘onistonning Xost viloyati ma’muriyati bir tonna odam sochi noqonuniy olib o‘tilishini oldini olganini ma’lum qildi, deb xabar beradi Khaama Press.

Xostdagi G‘ulomxon chegarasida bojxona xodimlari 25 dekabr kuni ko‘mir ortilgan yuk mashinasiga yashirilgan odam sochini qo‘lga olishganini ma’lum qildi. Mashina Pokistonga ketayotgan edi.

Ma’lum qilinishicha, Pokiston tobora dunyo bo‘ylab inson sochini yetkazib beruvchi yetakchilardan biriga aylanib bormoqda. U yerda yig‘ilgan sochlar eksport qiluvchi kompaniyalarga sotiladi va ular xalqaro bozorlarga jo‘natishdan oldin qayta ishlanadi. Xitoy, AQSH, Yaponiya va Janubiy Koreyadagi go‘zallik sanoati bu sochlardan pariklar va sochlarni kengaytirish uchun foydalanadi.

Inson sochining tortib olinishi Afg‘onistonda noqonuniy savdo muammosi kuchayib borayotganini ko‘rsatadi. Inson sochiga global talab ortib borar ekan, Afg‘oniston kabi davlatlarni nishonga olgan kontrabanda tarmoqlari kuchayishi mumkin, deya qayd etadi Khaama Press.