Abdulaziz Kamilov: Prezident Mirziyoyevning Samarqand tashabbusi global muloqotni shakllantirishga munosib hissa qo‘shadi
Bu haqda O‘zbekiston Respublikasi Prezidentining tashqi siyosat bo‘yicha maxsus vakili BMT shtab-kvartirasida O‘zbekiston rahbarining BMT Bosh Assambleyasining 78-sessiyasidagi nutqiga bag‘ishlangan brifingda ma’lum qildi.
Uning so‘zlariga ko‘ra, umumiy kun tartibining eng muhim masalalari bo‘yicha muntazam forumlar o‘tkazish orqali Samarqand tashabbusini amalga oshirish global muloqotni shakllantirishga, kelishilgan yondashuv va yechimlarni izlashga, ishonchni tiklashga va global keskinlikni pasaytirishga munosib hissa qo‘shadi.
Bugun har qachongidan ham ko‘proq ishonch va o‘zaro tushunish, davlatlarning qarama-qarshiliklarni kelishilgan va murosali yondashuvlar asosida hal etish qobiliyati har qachongidan ham muhimdir.
Abdulaziz Kamilovning eslatib o‘tishicha, ana shunday sharoitda O‘zbekiston prezidenti 2022 yilda “ Umumiy xavfsizlik va farovonlik yo‘lida Samarqand birdamlik tashabbusi”ni ilgari surgan edi. Uning mazmun-mohiyati mintaqaviy va global muammolarni birgalikda hal etish bo‘yicha muloqotni yo‘lga qo‘yishdan iboratdir.
