Хитой марказий банки олтиннинг йирик харидорига айланди. Бу давом этадими?

Олтин анъанавий равишда геосиёсий ва иқтисодий ноаниқлик даврида хавфсиз бошпана сифатида кўрилган.

«Хитой Халқ банки олтиннинг етакчи харидорига айланди», дея хабар бермоқда Nikkei Asia.

Марказий банкнинг бозордаги ҳаракатлари ҳақида аниқ тасаввурга эга бўлиш қийин.

Жаҳон Олтин Кенгаши (WГC) маълумотларига кўра, Хитой Халқ Банки 2023 йилда сотганидан 224,9 тонна кўп олтин сотиб олган ва ўша йили металлга бўлган умумий глобал талабнинг тахминан 5% ни ташкил этди.

Харид 2024 йилда ҳам давом этди. Хитой январдан апрелгача соф 28,9 тонна олтин сотиб олди. Бу Туркия марказий банкидан кейинги иккинчи ўрин дегани, гарчи унинг харидлари май ва июнь ойларида тўхтаб қолган бўлса ҳам, чунки унда нархлар тарихий чўққиларга кўтарилган. Июнь ойи охири ҳолатига кўра, банк 2264,3 тонна қимматбаҳо металга эга бўлиб, 2018 йил охирига нисбатан 22 фоизга кўпдир.

Марказий банкларнинг олтин захиралари уларнинг умумий захираларининг бир қисми бўлиб, улар орасида хорижий валюта, хусусан, дунёнинг етакчи захира валютаси бўлган АҚШ доллари ҳам бор.

Хитой 2015 ва 2016 йилларда тўсатдан ўзининг олтин захираларини кўпайтирди ва унга икки йил ичида 800 тоннага яқин олтин қўшди.

Таъкидланишича, бу Хитой марказий банки ўз захираларини янада кўпайтириш эркинлигига эга эканлигини англатади. Олтин Хитой Банки учун ўз миллий валютасига бўлган хавфларни диверсификация қилишнинг самарали усулидир.