Ўзбек ўқувчилари Россияда ғолиб бўлди

2021 йил 25 март куни Россия давлатида ўтказилган «ДЕТАЛЬКА-2020» рақамли технологиялар, таълим роботлари ва неротехнологиялар олтинчи халқаро танловида 10 нафар ўзбекистонлик ўқувчи ғолиб бўлди.

Маълум қилинишича, онлайн тарзда ўтказилган халқаро танловда 25 та давлатдан жами 437 нафар ўқувчи-ёшлар иштирок этган бўлиб, халқаро танлов 3 та ёш тоифасида ва «Энг яхши муҳандислик ечими», «Энг яхши технологик лойиҳа» йўналишларида ўтказилган.

Халқаро танловда Ўзбекистон шарафини 10 нафар «Баркамол авлод» болалар мактаби тўгарак аъзоларидан иборат жамоаси иштирок этди.