Туркия Москвадаги портлаш ташкилотчисини қўлга олди

Туркия ички ишлар вазири Али Ерликая Россияда портлаш уюштирганликда гумон қилинган шахс Бодрумда қўлга олинганини маълум қилди.

Бугун соат 10.30 да Интерполнинг Россия бўлими ходимлари бизнинг Интерпол/Европол бўлимига қўнғироқ қилиб, “Россия фуқароси Eвгений Серебряков Москва шаҳрида бомба ўрнатилган автомобиль ёрдамида теракт уюштиргани, теракт натижасида 2 киши жароҳатлангани ҳақида хабар беришди.

Разведка бошқармаси, Интерпол/Эвропол бошқармаси, МİТ бошқармаси, Миграция назорати бошқармаси, Терроризмга қарши кураш бошқармаси ва Муғла вилояти хавфсизлик бошқармаси билан зарур мувофиқлаштириш амалга оширилди.

Интерполнинг Россия бўлимидан олинган мактубдаги шахси ва фотосуратлари билан мос келадиган шахс бугун Бодрумда Муғла вилоят хавфсизлик бошқармаси бўлинмалари томонидан қўлга олинди.
– деди Туркия ИИВ раҳбари Х платформасида.