Тошкентдаги автосалон директори қўлга олинди

Тошкент шаҳар ИИББ ЖҚБ ходимлари пора эвазига автомобил таклиф қилган шахсни қўлга олиш бойича операция ўтказди.

Тошкент шаҳар ИИББ Жиноят-қидирув бошқармаси Иқтисодий хавфсизлик ва коррупсияга қарши курашиш бўлими ходимлари томонидан қўлга киритилган маълумотга кўра, пойтахтлик икки шахс “Нехиа-3” русумли автомобилни 3 минг АҚШ доллари устама ҳақи эвазига қисқа муддатда етказиб беришни таклиф қилгани маълум бўлган. Улардан бири бевосита шу соҳага алоқадор шахс эканлиги аниқланган.

Олиб борилган тезкор тадбир натижасида талаб қилинган суммани олаётган вақтда ижтимоий фондлардан бирининг ишчиси, 63 ёшли Аброр.Г (исм ўзгартирилган), ҳамда унинг шериги – “Узавтотеххизмат” МЧЖ автосалонларидан бирининг директори Муҳаммадали.У (исм ўзгартирилган) қўлга олинди.

Мазкур ҳолат бўйича Ўзбекистон Республикаси жиноят кодексининг 168 модда 2-қисми («фирибгарлик») ва 211 модда 2-қисми («пора бериш») бўйича жиноят иши қўзғатилди.