Шавкат Мирзиёев Токиога қўнғироқ қилиб, Эмомали Раҳмон билан гаплашди
Шавкат Мирзиёев давлат раҳбарлари орасида биринчи бўлиб Тожикистон президентини таваллуд куни билан табриклади. Бу ҳақда Asia-Plus хабар бермоқда.
Ўзбекистон Президенти ҳозирда Японияда расмий ташриф билан бўлиб турган Эмомали Раҳмонга қўнғироқ қилиб, туғилган куни билан самимий муборакбод этди.
Телефон орқали мулоқот давомида икки давлат етакчилари ўзбек-тожик ҳамкорлигининг ҳозирги ҳолати, шунингдек, ривожланиш истиқболларини муҳокама қилди.
Қайд этиш жоизки, Эмомали Раҳмон ҳам Шавкат Мирзиёевни биринчилардан бўлиб туғилган куни билан қутлаган эди.
Маълумот учун, Тожикистон раҳбари 5 октябрь куни 66 ёшга тўлди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
