Серхио Рамос янги клуби билан икки йиллик шартнома имзолади

Мадриднинг «Реал» клубини тарк этган Серхио Рамос «ПСЖ» билан келишувга эришди.

Таниқли инсайдер Фабрицио Романонинг ёзишича, испаниялик 36 ёшли ҳимоячи Париж клуби раҳбарияти билан 2023 йилга қадар шартнома масаласида келишувга эришган.

Қайд этилишича, «ПСЖ» Рамоснинг агентига январь ойида алоқага чиқиб, апрелдан музокара бошланган. «ПСЖ» ўшандаёқ Рамосга икки йиллик шартнома таклиф қилган.

Париж клуби келаётган яқин 10-15 кунда Ашраф Ҳакими, Серхио Рамос ва Жанлуижи Доннарумма трансферини расман эълон қилиши кутилмоқда.

Эслатиб ўтамиз, Рамоснинг Мадрид клуби билан шартномаси 30 июнь куни якунига етганди.