Раҳбар қамоқда, Telegram эса машҳурликка эришмоқда
Telegram асосчиси ва раҳбари Павел Дуровнинг Францияда ҳибсга олиниши илованинг машҳурлигига таъсир қилди - у воқеадан олдингига қараганда тез-тез юклаб олина бошлади.
Ҳозирда Telegram юклаб олишлар сони ортиб бормоқда, бу эса уни App Store'нинг ижтимоий медиа бўлимида №2 иловага айлантирмоқда.
Telegram'нинг юксалиши Дуров ҳибсга олинганидан сўнг дарҳол содир бўлмади, буни мессенжер раҳбари ҳақидаги янгиликларнинг бутун дунё бўйлаб аста-секин тарқалиши билан изоҳлаш мумкин.
Appfigures илова таҳлил компаниясининг хабар беришича, Telegram душанба куни соат 03:00 да АҚШ App Store дўконида ижтимоий медиа жадвалида 2-ўринни эгаллаган ва бу тенденциянинг бошланиши, холос.
Дуров ҳибсга олинган Францияда илова App Store дўконидаги ижтимоий тармоқ бўлимида биринчи ўринга кўтарилди, шунингдек, барча тоифадаги иловалар рейтингида учинчи ўринни эгаллади.
Энг яхши иловалар жадвалида (бу ўйинларни ўз ичига олмайди) Telegram жума кунидан бери АҚШда 18-ўриндан 8-ўринга, яъни 10 поғонага кўтарилди.
