Россияда ўзбекистонлик эркак юртдош аёлни пичоқлаб ўлдирди
Россиянинг Санкт-Петербург шаҳрида ўзбекистонлик эркак можаро пайтида юртдош аёлни пичоқлаб ўлдирди. Бу ҳақда 78.ru хабар берди.
Полковский шоссесидаги “СалютПлюс” апарт-меҳмонхонасида пичоқ билан жароҳатланган 41 ёшли аёл жасади топилган. Қўриқчи полицияга мурожаат қилган. Марҳума Ўзбекистондан Санкт-Петербургга келган, у миграция рўйхатидан ўтмагани аниқланган. Қотиллик ҳолати бўйича жиноят иши қўзғатилган.
Қўлга олинган шахс Ўзбекистоннинг 26 ёшли фуқароси бўлган. Тергов маълумотларига кўра, у 11 сентябрь куни можаро пайтида ўз ватандошини пичоқлаб ўлдирган. Эркак айбини тан олган. Унга нисбатан қамоққа олиш тарзидаги эҳтиёт чорасини танлаш масаласи ҳал этилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
