Путин Туркияга ташрифи чоғида унинг самолётини Россия қирувчи самолётлари кузатиб боришини хоҳлайди
Ўтган йилдан бери Россия президенти Владимир Путин Туркияга расмий ташрифини бир неча бор қолдирди. Ташриф кечикишнинг асосий сабаби Россия томонининг шартларидир. "Москва Путин ўтирган самолётни қирувчи самолётлар кузатиб боришини хоҳлаяпти", деб ёзмоқда Middle East Eye.
Туркиянинг икки собиқ элчиси бу талабни "ноодатий" деб атади. Бу, эҳтимол, Украина Россия президентининг самолётини парвоз пайтида уриб тушириши мумкинлигидан қўрқиш билан боғлиқ бўлиши мумкин. Туркияда жойлашган НАТО ҳаво ҳужумидан мудофаа тизимлари эса Россия ҳарбий самолётларини душман нишони сифатида кўриши ҳам мумкин.
Қирувчи самолётларнинг кузатуви ташрифга ягона тўсиқ эмас. Россия томони, шунингдек, Анқарадаги энг йирик меҳмонхоналар Америка компанияларига тегишли эканлигидан шикоят қилган.
