Навоийда "Нексия" ухлаб ётган эркакни босиб кетди

Жорий йилнинг 17 май куни соат 04:00 ларда, Навоий вилояти, Хатирчи тумани ҳудудидан ўтган 4Р-48 “Зарафшон-Хатирчи” автомобиль йўлининг 151-км.да ҳайдовчи 1985 й.т. Ф.Б. (эркак) “Нексия” русумли транспорт воситасини бошқараётиб, йўлнинг қатнов қисмида маст ҳолда ухлаб ётган пиёда, 1964 й.т. У.О.ни устидан босиб ўтиб, ЙТҲ содир этган.

Натижада, пиёда 56 ёшли У.О. (эркак) воқеа жойида вафот этган.

Мазкур ЙТҲ юзасидан Хатирчи туман ИИБ ҳузуридаги ТБ томонидан суриштирув ишлари олиб борилмоқда.