Толибон вакиллари Ислом ҳамкорлик ташкилотининг 15-саммитида иштирок этди

Толибон раҳбарияти Гамбия пойтахти Банжул шаҳрида бўлиб ўтган Ислом ҳамкорлик ташкилотининг (ИҲТ) 15-саммитида иштирок этди.

Бу ҳақда Афғонистон Муваққат ҳукумати Ташқи ишлар вазирлиги Х ижтимоий медиа платформасидаги аккаунтида баёнот берди.

Хабарда таъкидланишича, Ташқи ишлар вазирлиги матбуот котиби Абдулкаҳар Белхий бошчилигидаги делегация Банжул шаҳрида бўлиб ўтган ИҲТ 15-саммитида иштирок этган.

Ушбу ҳисоботга кўра, ИҲТ Толибон маъмуриятига саммитда иштирок этиш учун расмий таклифнома юборган ва делегация ИҲТ ва турли мамлакатлар вакиллари билан бир қатор учрашувлар ўтказган.

Толибон маъмурияти ўтган ой пойтахтга ташриф буюрган ИҲТнинг Афғонистон бўйича махсус вакили Тариқ Али Бахитга саммитда иштирок этиш истагини билдирган.