Меган Маркл ўзи билан боғлиқ фожиали янгиликни маълум қилди
Сассекс герсогиняси Меган Маркл иккинчи ҳомиласи нобуд бўлганлигини маълум қилди. Бу ҳақда у “New York Times” газетасида чоп этилган мақолада айтиб ўтди.
Меганнинг сўзларига кўра, бу 2020 йилнинг июль ойида содир бўлган.
«Июль куни эрталаб ҳар куни бўлгани каби одатдагидек бошланди: нонушта қилиш. Итларни овқатлантириш. Витаминлар қабул қилиш. Йўқолган пайпоқни топиш. Стол тагига тушиб кетган қаламни олиш. Ўғлимни каравотидан кўтаришдан олдин сочларимни йиғиш... Аммо ўғлимнинг таглигини алмаштирганимдан сўнг кучли оғриқни ҳис қилдим. Фарзандимни бағримга босиб, ерга ўтирдим ва иккаламиз ҳам тинчланишимиз учун алла айтишни бошладим... Биринчи фарзандимни бағримга босиб турган ҳолда иккинчи фарзандимдан айрилаётганимни билардим", деб ёзган Меган.
