Афғонистондаги тошқин қурбонлари сони 400 нафарга етди
Аввалроқ Ғор вилоятида давом этаётган сув тошқинлари оқибатида камида 50 киши ҳалок бўлгани, ўнлаб одамлар бедарак йўқолганлиги ҳақида хабар берилган эди.
TOLO News Фарёб вилояти маъмуриятига таяниб хабар беришича, вилоятда камида 18 киши табиий офат қурбони бўлган.
Ҳаммаси бўлиб 1000 дан ортиқ уй вайрон бўлган, 300 дан ортиқ чорва моллари нобуд бўлган.
Ғор вилоятида 17 майдан бери давом этаётган сув тошқинлари оқибатида камида 50 киши ҳалок бўлгани, ўнлаб одамлар бедарак йўқолгани ҳақида аввалроқ хабар берилган эди.
Ўтган ҳафта мамлакатда содир бўлган кучли сув тошқинлари Бағлон, Бадахшон ва Тахар вилоятларида кузатилган.
Аввалроқ БМТнинг Жаҳон озиқ-овқат дастури ҳисоботида Афғонистоннинг Бағлон вилоятида содир бўлган сув тошқинлари оқибатида камида 300 киши ҳалок бўлгани айтилганди.
Афғонистонда кўп ёғингарчилик туфайли юзага келган тошқинлар ҳар йили минглаб одамларнинг ҳаётига зомин бўлади.
