Малайзия нима учун Российдан миннатдор?
Малайзия ташқи ишлар вазири Сайфуддин Абдуллоҳ Россия ташқи ишлар вазири Сергей Лавров билан учрашувда катта миқдордаги палма ёғини сотиб олгани учун миннатдорчилик билдирди, дейди “Mk.ru”.
Абдуллоҳ, шунингдек, Малайзия Россия билан аерокосмик саноат ва таълим соҳасида ҳамкорлик қилиш имкониятларини кўриб чиқаётганини таъкидлади.
Эслатиб ўтамиз, Малайзия ва Индонезия палма ёғи бозор захирасининг 90 % гачасини ишлаб чиқаради. Европа Иттифоқи эса палма асосидаги биоёқилғидан воз кечмоқчи, чунки уни ишлаб чиқариш ўрмонларнинг кесилишига олиб келмоқда.
Маълумотларга қараганда, 2018 йилда Россия 748,77 миллион доллар миқдорида 1,06 миллион тонна палма ёғи сотиб олган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
