"Kaspersky" лабораторияси жорий йилда Россия алоқа операторларига "DDoS" ҳужумлари кўпайганини тасдиқлади
——
"Kaspersky" лабораторияси ОAВга жорий йилда Россия алоқа операторларига "DDoS" ҳужумлари кучайгани ҳақидаги маълумотни тасдиқлади. "Kaspersky DDoS Protection" эксперти Вячеслав Кирилловнинг аниқлик киритишича, июль ойи ўрталаридан бошлаб компанияда Россия алоқа операторларига "DDoS" ҳужумлари кўпайган, уларнинг 95 фоизи "Kaspersky" лабораторияси аввал қайд этилмаган рус IP-манзилларидан амалга оширилган.
“Биз ҳақиқатан ҳам 2024 йил июль ойи ўрталаридан бошлаб Россия алоқа операторларига хакерлар томонидан ҳужумлар кўпайганини кўряпмиз. Охирги ҳужумларнинг асосий хусусиятларидан: ҳужум қилинган трафикнинг 95 фоизи Россия IP-манзилларидан қайд этилган; биз илгари бир мамлакат ичида бундай ҳажмдаги трафикни қайд қилмаганмиз”,
— деди Кириллов ОAВга.
