Июль ойида Грузияда сайёҳликдан тушган даромад илк бор пандемиягача бўлган кўрсаткичдан ошди
Июль ойида Грузия сайёҳликдан 467 миллион доллар даромад кўрди, бу 2019 йилнинг шу даври, яъни пандемия бошланишидан олдинги кўрсаткичдан 20 фоиз кўп, деб ёзмоқда "Грузия янгиликлари" нашри.
Нашрнинг ёзишича, бу ҳақда бош вазир Ираклий Гарибашвили ҳукумат йиғилишида айтиб ўтган.
Унинг айтишича, январдан июлгача сайёҳлик соҳаси Грузияга 1,6 миллиард доллар даромад келтирган. Хабарда ўсиш тенденцияси келгусида ҳам сақланиб қолиши айтилмоқда.
«Албатта, бу бандлик ортади, кўплаб фуқароларимиз иш билан таъминланади, даромад ортиб, камбағаллик камаяди», — деганидир дейди Гарибашвили.
Грузия миллий банкининг статистикасига кўра, июль туризмдан кўрилган даромад пандемиягача бўлган кўрсаткичдан ошган биринчи ой ҳисобланади.
Хабарда келтирилишича, 2022 йилнинг биринчи ярмида Грузияга 2,3 миллион нафар халқаро сайёҳ келган. 2021 йилнинг олти ойи билан солиштирганда ўсиш 214 фоизни ташкил этган.
