Жанубий Корея Украина билан мустаҳкам, Россия билан эса «силлиқ» муносабатларни сақлаб қолади
Жанубий Корея президенти Юн Сок Ёль мамлакати Украина билан мустаҳкам муносабатларни сақлаб туришини, Россия билан эса «силлиқ» муносабатларни сақлаб қолишини айтди. Унинг баёнотини турли ОАВлар келтирмоқда.
Қўшма Штатлар ва Европа узоқ вақтдан бери Жанубий Кореядан Украинага тўғридан-тўғри қурол етказиб беришни ташкил қилишни сўраб келади, аммо беҳуда. Юн Сок Ёль бугун яна бир бор таъкидладики, Сеул инсонпарварлик ёрдами ва вайрон бўлган инфратузилмани тиклашда иштирок этишдан фарқли ўлароқ, урушаётган мамлакатларга қурол-яроғ етказиб бермайди.
Россия билан муносабатлар КХДРга рус қуроллари ва технологиялари етказиб берилиши туфайли ёмонлашмоқда, бироқ Сеул имкони борича Москва билан ҳамкорликни давом эттиради, дея қўшимча қилди президент.
Жанубий Корея АҚШга артиллерия снарядларини етказиб беради, бу Пентагонга Америка ўқ-дориларини Украинага ўтказиш имконини беради.
