Грузиянинг Франциядаги элчиси истеъфога чиқди. Сабаб нима эди?

Бу ҳақда Гоча Жавахишвили Facebook'даги саҳифасида маълум қилди. Унинг сўзларига кўра, у Грузия ҳукуматида Россияни қўллаб-қувватловчи бирор кишини танимайди.

Дипломатнинг таъкидлашича, «хорижий агентлар» тўғрисидаги қонуннинг қабул қилиниши «муайян мақсадга эришиш учун ўзига хос тактика» бўлиши мумкин. Шу билан бирга, у энди мамлакатнинг ҳозирги сиёсатида ўз ролини кўрмаслигини айтди.

«Мен Грузия дипломатиясида 30 йил хизмат қилдим, 10 йил Европа интеграциясидан дарс бердим. Мен ҳам талабаларни биз Европа маданияти ва келажагимиз мамлакати эканлигига ишонаман ва ишонтираман. Европа бизнинг жойимиз», - дея таъкидлади Жавахишвили.

11 май куни Грузия мухолифат кучлари Тбилисида «хорижий агентлар» тўғрисидаги қонунга қарши норозилик эълон қилди. Парламент аъзолари уни 17 май куни учинчи ва якуний ўқишда кўриб чиқишлари керак. Грузия президенти Саломе Зурабишвили аллақачон қонунга вето қўйишга ваъда берган.