Гутерриш Африкага БМТ Хавфсизлик Кенгашида доимий аъзолик ўрнини бериш зарурлигини таъкидлади

БМТ Бош котиби Антониу Гутерриш пайшанба куни Африка БМТ Хавфсизлик Кенгашининг доимий аъзосига айланиши кераклигини айтди.

Бу ҳақда у Пекиндаги 50 дан ортиқ Африка давлати раҳбарлари иштирок этаётган Хитой-Африка ҳамкорлиги форумида маълум қилди.

"Африка қитъаси ҳали ҳам Хавфсизлик Кенгашида доимий ўринга эга эмаслиги ғазабланарли" - деди у.

Унинг таъкидлашича, қитъа бошидан кечирган "тарихий адолатсизликларни" тузатиш вақти келди. Шу билан бирга, у минтақа давлатлари қарздан азият чекаётгани ва қарз юкини енгиллаштириш йўлларидан фойдалана олмагани, барқарор ривожланиш ва молиялаштириш учун ресурслар етишмаслигини таъкидлади.

Гутерреш, шунингдек, Хитойнинг иқтисодий муваффақиятларига, жумладан, қашшоқликка қарши курашда эришган ютуқларига ишора қилиб, Хитой томонидан тўпланган тажриба ва билимлар “озиқ-овқат тизимлари ва рақамли каналлар орқали алоқа соҳасидаги асосий ўзгаришларда” ёрдам бериши мумкинлигини таъкидлади.

Ҳозирги вақтда БМТ Хавфсизлик Кенгашининг доимий аъзолари - Россия Федерацияси, АҚШ, Хитой, Буюк Британия ва Франция.