Ғазода ўт очишни тўхтатиш бўйича музокаралар яна ортга сурилди

Пайшанба куни Қоҳирада бошланиши керак бўлган Ғазо секторидаги сулҳ бўйича музокараларнинг навбатдаги босқичи томонларга янги таклифларни муҳокама қилиш учун вақт бериш учун кейинги ҳафтага қолдирилди.

Бу ҳақда The National нашри хабар бермоқда.

АҚШ, Миср ва Қатар яна музокараларда воситачи сифатида иштирок этади. Мулоқотда Исроил делегациясининг ҳам иштирок этиши кутилмоқда.

The National манбаларига кўра, Фаластиннинг ХАМАС гуруҳи "йиғилишда жисмонан ҳозир бўлиши даргумон, аммо ҲАМАСнинг юқори мартабали амалдорлари масофадан туриб қатнашади".

Бундан ташқари, нашр манбалари Мисрнинг Ғазо сектори билан чегарасидаги Рафаҳ назорат-ўтказиш пунктининг Фаластин томони ва Филаделфия йўлагидан Исроил қўшинларини босқичма-босқич олиб чиқиб кетишни назарда тутувчи Исроилнинг янги таклифини Миср рад этаётгани ҳақидаги аввалги хабарларни тасдиқлади.

Бундан ташқари, Миср иккала жойда ҳам АҚШ ва БМТ кучларини жойлаштиришни талаб қилди.