Филиппинда маймун чечаги юқтиришнинг биринчи ҳолати аниқланди

Филиппинда ўтган йилнинг декабрь ойидан буён мамлакатда биринчи марта mpox вирусини (маймун чечаги) юқтиришнинг янги ҳолати қайд этилди, дея хабар беради Reuters.

Соғлиқни сақлаш вазирлиги маълумотларига кўра, бемор 33 ёшли филиппинлик бўлиб, у Филиппиндан ташқарига чиқмаган.

"Биз секвенир натижаларини кутмоқдамиз ва улар мавжуд бўлиши биланоқ хабар берамиз", - деди вазирлик вакили Альберт Доминго штамм ҳақида сўралганда.

Жаҳон соғлиқни сақлаш ташкилоти Конго Демократик Республикасида авж олгани ва касаллик қўшни давлатларга тарқалиши ортидан икки йил ичида иккинчи марта маймун чечагини глобал фавқулодда ҳолат деб эълон қилди.

Африкадан ташқарида янги, янада юқумли mpox штаммининг биринчи ҳолати Швецияда қайд этилган. Бемор Африкага ташриф буюрганидан кейин юқтирган. Швеция расмийлари беморга керакли муолажалар ўтказилгани ва кузатув остида эканлигини тасдиқлади.