Эрон урушдан қўрқмайди

Эрон Ташқи ишлар вазири Сейид Аббос Арақчи, ўтган ой Теҳронда Ҳамас раҳбари Исмоил Ҳаниянинг ўлдирилиши муносабати билан мамлакат Исроилни жазолаш учун қонуний ҳуқуқидан фойдаланишини айтиб, Эрон урушни хоҳламаслигини ва урушдан ҳам қўрқмаслигини таъкидлади.

Якшанба куни италиялик ҳамкасби Антонио Тажани билан телефон орқали суҳбатда Арақчи сионистик режимнинг Теҳронда Ҳаниянинг ўлдиришига Эроннинг жавобини «аниқ» деб таърифлади, аммо бу «ўлчанади ва яхши ҳисоблаб чиқилади».

Арақчининг қўшимча қилишича, Исроилдан фарқли ўлароқ, Эрон кескинлашувга интилмаяпти, лекин айни пайтда кескинлашувдан қўрқмайди.

Ҳания июль ойи охирида Теҳрондаги қароргоҳига уюштирилган ҳужумда ўлдирилган. У Эронда президент Масуд Пезешкианнинг инаугурация маросимига қатнашган эди.

Теҳрон ҳужум учун Исроилни тўғридан-тўғри жавобгар деб ҳисоблайди.

Эрон бу ваҳшийлик мамлакатнинг расмий меҳмонига нисбатан содир этилганини таъкидлади.