Эрон: Биз Исроилнинг эҳтимолий ҳужумига «кучлироқ» ва «ҳар томонлама» жавоб берамиз
Эрон ташқи ишлар вазири Ҳусайн Амир Абдуллоҳиянинг айтишича, Эрон Исроилнинг эҳтимолий ҳужумига «тезкорроқ», «қатъийроқ» ва «яқинроқ» жавоб беради.
Ярим расмий Tesnim ахборот агентлигининг хабар беришича, Абдуллаҳиян Буюк Британия Ташқи ишлар вазири Дэвид Кэмерон билан телефон орқали минтақадаги вазиятни муҳокама қилган.
Абдуллаҳиён ҳамкасбига Эроннинг Исроилга ҳужуми «ўзини ҳимоя қилиш» мақсадида амалга оширилганини айтиб, минтақадаги инқирозлар замирида Исроилнинг бузғунчи сиёсати ётибди.
Ўн минглаб тинч аҳолининг ҳаётига зомин бўлган Исроилнинг Ғазога ҳужумини Британиянинг қўллаб-қувватлаганини танқид қилган Эрон вазири: «Ўтган олти ойда Ғазонинг мазлум халқига юз минглаб тонна бомбалар ташланган бир пайтда. Буюк Британиянинг Эроннинг БМТ Низомининг 51-моддасига мувофиқ ўзини-ўзи мудофаа қилиш мақсадида дипломатик нишонларга Исроил режимининг ваҳшийларча ҳужумига жавобидан хавотирда эканлиги ажабланарли.
Тел-Авивнинг Эрон ҳудудига эҳтимолий ҳужуми ҳақида Эрон ташқи ишлар вазири шундай деди: «Эрон минтақадаги тарангликни кучайтирмоқчи эмас, лекин Исроил режими саргузаштли йўл тутса, бизнинг кейинги реакциямиз тезроқ, кучлироқ ва кенг қамровли бўлади».
Кемерон, ўз навбатида, Эроннинг Исроилга ҳарбий ҳужуми ташвиш уйғотаётганини айтди.
»Биз Исроилдан жавоб бермасликни сўраймиз, чунки биз сўнгги воқеалар такрорланишини ва янада кенг тарқалишини истамаймиз", деди у.
