Даҳшат! Шифокорлар хатолик сабаб 73 ёшли аёлнинг соғлом икки буйрагини олиб ташлашди

Даҳшат! Шифокорлар хатолик сабаб 73 ёшли аёлнинг соғлом икки буйрагини олиб ташлашди

АҚШнинг Колорадо университети шифокорлари хатолик сабаб, 73 ёшли аёлнинг иккала буйрагини олиб ташлашди.

Колорадо штати фуқароси Линди Вулли "Fox31" телеканалига берган интервьюсида 2018 йилнинг март ойида шифокорлар унга буйрак саратони ташхисини қўйиб, май ойида иккала буйрагини ҳам олиб ташлаганини айтган.

“Тасаввур қилинг, аввалроқ сизга саратон ташхисини қўйиб иккала буйрагингизни ҳам олиб ташлаган шифокорлар кейинчалик ҳеч қандай саратон бўлмаганини айтса, қандай ҳолатга тушар эдингиз?” – деди Линди Вулли телеканал мухбирига.

Маълум бўлишича, жарроҳлик амалиётидан сўнг аёлда ўтказилган биопсия натижалари яхши чиққан ва ҳеч қайси буйрагида саратон кузатилмаган.

Шифокорларнинг хатоси туфайли Линди Вулли ҳафтада уч маротаба тўрт соат давом этадиган диализ даволаш курсидан ўтиши керак.

“Ҳаётим бутунлай ўзгариб кетди. Диализ курслари дам олишга чиқиладиган пикник эмас, булар ҳаётимни ўғирламоқда”, – деди аёл.

Ҳозир Линди Вулли камида битта буйрак трансплантациясига муҳтож. Бунинг учун эса Қўшма штатларда ўртача етти йил кутиш керак. 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!