Дональд Трамп Жо Байден бошқарувини Гестапога қиёслади

АҚШ президентлигига номзод Доналmд Трамп Жо Байден ҳукумати ва нацистлар махфий полицияси ўртасида тарихий ўхшашлик кўрсатди. Америка ОАВлари хабар беришича, АҚШнинг собиқ президенти Флоридадаги Мар-а-Лаго мулкида ёпиқ хайрия йиғилишида нутқ сўзлаганида шундай ўхшатган.

Гестапо махфий давлат полицияси 1933 йилдан 1945 йилгача Адолф Гитлернинг нацистлар режими даврида мавжуд бўлган. Гестапо ходимлари Гитлернинг сиёсий рақибларини репрессия қилиш билан шуғулланган, шунингдек, яҳудийларни таъқиб қилиш ва йўқ қилишда қатнашган.

Америка оммавий ахборот воситаларининг аниқлик киритишича, Байден маъмуриятини нацистлар билан солиштириш Трампнинг узоқ давом этган тирадининг бир қисми бўлган. Унда у жиноий таъқиб қилишни «ғалаба қозонишнинг ягона йўли» деб билган, унга қарши тўртта жиноий суд жараёни ортида ҳозирги ҳукумат турганини таъкидлади.

АҚШда президентлик сайловлари ноябрь ойида бўлиб ўтади. Дональд Трампнинг рақиби АҚШнинг амалдаги президенти Жо Байден бўлади.