Исроил Хамаснинг навбатдаги ҳужумидан сўнг Ғазо сектори билан чегара пунктини ёпди

5 май, якшанба куни Хамас жангарилари Исроилнинг Керем Шалом чегара пунктига ракета зарбалари берди, у орқали инсонпарварлик ёрдами Ғазо секторига киради. ХАМАСнинг ҳарбий қаноти ҳужум учун масъулиятни ўз зиммасига олди ва ракета ҳужуми Исроил аскарларини нишонга олганини айтди.

Исроилнинг Ynet нашри террорчилар Ғазо сектори жанубидаги Рафаҳ шаҳридан Керем Шалом томон 10 га яқин ракета отганини ёзди. Маҳаллий ОАВ маълумотларига кўра, ҳужум вақтида чегара пунктида бўлган бир неча киши жароҳатланган. Шундан сўнг Исроил ҳукумати чегара пунктини вақтинча ёпишга қарор қилди.