Бухорода спиртли ичимлик қотилликка сабаб бўлди

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича Бухоро вилоятининг Қоровулбозор туманида шу йили 26 октябрга ўтар кечаси Шофиркон туманида яшовчи Ж.Б. уйида таниши Ф.У. билан бирга спиртли ичимлик истеъмол қилиб, ўрталарида келиб чиққан ўзаро жанжал оқибатида Ж.Б. ҳамтовоғи Ф.У.нинг юзига қўли билан урган вақтида у боши билан ерга йиқилиб жароҳат олган.

Натижада Ф.У. олган жарохатидан воқеа жойида вафот этган. Ж.Б. қўлга олинган. Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.