Бўстон тумани ҳокими Садбархон Мамитова вафот этди
Бу ҳақда Андижон вилояти ҳокимлиги ахборот хизмати маълум қилди.
Садбархон Мамитова 1966 йил Андижон вилояти Жалақудуқ туманида туғилган. 1982-1986 йилларда Наманган қишлоқ хўжалиги техникумида ўқиган, 1993 йил Тошкент давлат аграр университетини тамомлаган.
Мамитова Жалақудуқ туманида турли лавозимларда меҳнат қилган, 2007-08 йилларда туман ҳокими ўринбосари вазифасини бажарувчи бўлган, 2019-2020 йилларда «Юксалиш» умуммиллий ҳаракати Андижон вилояти ҳудудий бўлими раҳбари сифатида фаолият кўрсатган. 2019 йил декабрдаги сайловларда халқ депутатлари Андижон вилояти кенгашига депутат этиб сайланган.
Садбархон Мамитова 2020 йил 4 март куни Бўстон тумани хокими этиб тайинланиб, шу вақтга қадар ҳоким бўлиб ишлаб келаётган эди.