Британияликлар бошқа давлат фуқароси бўлиш учун ДНК тестларидан фойдаланмоқда
Мутахассисларнинг таъкидлашича, одамлар ўзларининг генеалогик ДНК тестлари натижаларидан бошқа мамлакатлар фуқаролигини олиш учун фойдалана бошлаганлар, деб хабар беради The Guardian.
2000 йилдан бошлаб, ДНК генеалогияси тестлари илк бор мавжуд бўлганидан бери, дунё бўйлаб 40 миллиондан ортиқ киши турли компаниялар орқали ушбу хизматлардан фойдаланган.
“Одамлар қанчалик кўп синовдан ўтиб, насл-насаби ва биологик ота-оналари ҳақида маълумотга эга бўлса, улар ушбу маълумотлардан маълум бир мамлакат фуқаролигини олиш учун далил сифатида фойдаланишлари мумкин”, - деди Бат университетидаги Милнер эволюция маркази директори профессор Тури Кинг.
Кингнинг фикрича, ДНК тестини топшириш баъзи британияликлар учун келажакда икки томонлама фуқароликка эга бўлишнинг осонроқ ва кенг тарқалган усули бўлади.
Унинг сўзларига кўра, Европа Иттифоқига аъзо бўлган Ирландия паспортлари катта талабга эга бўлиши мумкин.
Ирландия ташқи ишлар департаменти вакили мамлакатнинг потенциал фуқаролари ота-оналаридан бири орқали Ирландия фуқаролигига бўлган ҳуқуқларини исботлаш учун ДНК далилларидан фойдалана бошлаганини ва бу далил паспорт олиш учун ариза беришда қабул қилинишини тасдиқлади. Масалан, 2022 йилда «DNAFamilySecrets» шоуда Ричард Сэйерс Европа Иттифоқи фуқаролигини олиш учун ДНК далилларидан фойдаланган биринчи британияликлардан бири бўлди.
