Блинкен Абэнинг вафоти муносабати билан ҳамдардлик билдириш учун Японияга ташриф буюради

АҚШ Давлат котиби Энтони Блинкен Япония собиқ бош вазири Синдзо Абэнинг фожиали вафоти муносабати билан Япония етакчилари ва халқига ҳамдардлик билдириш учун келаси ҳафтада Японияга ташриф буюради, деб хабар берди АҚШ Давлат департаменти.

“Котиб Блинкен Токиога бориб, собиқ бош вазир Синдзо Абэ вафоти муносабати билан япон халқига ҳамдардлик билдиради ва Япониянинг юқори мартабали расмийлари билан учрашади”, — деди Давлат департаменти матбуот котиби Нед Прайс.

Дипломатнинг қайд этишича, “АҚШ-Япония иттифоқи Ҳинд-Тинч океани минтақасида тинчлик ва барқарорликнинг тамал тоши ҳисобланади ва ҳеч қачон бундай кучли бўлмаган”.