Бизнес-омбудсман билан келишган ҳолда 10 та тадбиркорлик субъектида ўтказилган текширишларда 39 та қоидабузарлик аниқланди
Бизнес-омбудсман билан келишган ҳолда 10 та тадбиркорлик субъектида ўтказилган текширишларда 39 та қоидабузарлик аниқланди.
АОКАда Инспекция ахборот хизмати раҳбари Фирдавс Хайриддинов иштирокида ўтказилган брифингда вазифалар ижроси, тадбиркорлар ва фуқаролардан келиб тушган мурожаатлар таҳлили ҳақида маълумот берилди:
Транспорт назорати инспекциясига 2024 йил 1 чорагида жисмоний ва юридик шахслар томонидан жами 953 та мурожаат келиб тушган.
Мурожаатларнинг 290 таси тўлиқ қаноатлантирилган, 478 тасига тушунтириш берилган, 60 тасига тегишлилиги бўйича юборилган, 17 таси кўриб чиқилиши тугатилган, 3 таси кўрмасдан қолдирилган ёки аноним бўлган, 105 таси ўрганиш жараёнида.
Йўл қурилиш йўналишидаги 70 та мурожаатда кўрсатилган ҳолатларни ўрганиш ва қоидабузарликларни баратарф этиш учун Бизнес-омбудсман билан келишган ҳолда 10 та тадбиркорлик субъектида текширишлар амалга оширилди ҳамда 39 та қоидабузарлик аниқланди.
Аниқланган қоидабузарликларни бартараф этиш бўйича 23 та бажарилиши мажбурий бўлган кўрсатма берилди.
Назорат қилиш ишлари натижасида 1981,06 млн.сўмлик аниқланган сифатсиз бажарилган ишларнинг ҳажмини тўловдан чиқариш бўйича буюртмачиларга талабномалар киритилди.
