Аёлларни четга олиб кетиб, фоҳишаликка мажбурлаган Замирага қандай жазо берилди?

Тожикистонлик Замира Фурқатзода одам савдоси билан шуғулланганликда айбланиб, 7 йиллик колонияга ҳукм қилинди. Истаравшан шаҳар суди маълумотига кўўра, Замира тожикистонлик аёлларни Таиланд, Ҳиндистон ва Туркияга ишлашга деб олиб бориб, фоҳишаликка мажбурлаган.

Ички ишлар вазирлигининг Сўғдиёна вилояти бўйича матбуот котиби Акбар Шариповнинг сўзларига кўра, Фурқатзода Истаравшан ва Зафаробод шаҳарларидан уч нафар ёш қизга чет давлатдан яхши маош тўловчи иш топиб беришини айтган. Таиланд, Ҳиндистон ва Туркияда эса қизлар тунги клубдаги мижозларга интим хизмат кўрсатишлари кераклигини билишган ва маълум муддат бунга мажбур бўлишган. Замира Фурқатзода яна бир жинсий қулликка муносиб номзод бўлган аёлни олиб чиқиб кетаётганида ушланган.

Судда Фурқатзода ўз айбини тан олмади. Унинг фикрича, қизлар нима билан машғул бўлишларини олдиндан билишган ва текин овқат билан таъминланишган, шунингдек, даромаднинг маълум қисмини улуш сифатида олиб туришган. Аммо жабрланганлар судда Фурқатзода унга энагалик, официантлик ва ҳамширалик каби ишларни яхши маош эвазига топиб беришга ваъда берганини айтишди.

Суд Замира Фурқатзодани айбдор деп топди ва жазо тайинлади.