АҚШ разведкаси Эронни айбламоқда
Федерал қидирув бюроси ва АҚШнинг бошқа разведка агентликлари республикачи номзод Доналд Трампнинг президентлик сайловолди кампаниясини нишонга олган хакерлар ортида Эрон турган деган хулосага келди.
«Биз бу сайловлар вақтида Эроннинг тобора тажовузкор фаоллигини, хусусан, Америка жамоатчилигига қарши операцияларни ва президентлик кампанияларини нишонга олган кибер операцияларни кузатдик. Бунга разведка ҳамжамияти Эронга тегишли деб ҳисоблаган собиқ президент Трампнинг кампаниясига путур етказиш бўйича сўнгги ҳисоботлар ҳам киради», дейилади Федерал қидирув бюроси Миллий разведка директори идораси ҳамда Киберхавфсизлик ва инфратузилма хавфсизлиги агентлиги билан биргаликда эълон қилинган баёнотда.
Баёнотда таъкидланишича, Эрон «АҚШ сайлов жараёнига таъсир ўтказиш» учун «иккала сиёсий партиянинг президентлик кампанияларига тўғридан-тўғри кириш ҳуқуқига эга бўлган шахсларни» излаган.
«Эрон бу йилги сайловларни миллий хавфсизлик манфаатларига таъсир қилиши, Теҳроннинг натижаларга таъсир қилиш истагини кучайтириши нуқтаи назаридан муҳим деб ҳисоблайди», - дейди АҚШ разведка агентликлари.
