Америка банки Россия Федерациясига қарши санкцияларни бузгани учун 7,45 миллион доллар жарима тўлайди
Американинг State Street банки Украина ва Россияга нисбатан санкцияларни 38 марта бузгани учун 7,45 миллион доллар жарима тўлайди. Бу ҳақда АҚШ молия вазирлиги матбуот хизмати хабар берди. Гап 2016 йилдан 2020 йилгача State Street Bank ва унинг шўъба корхонаси Charles River Systems томонидан содир этилган қонунбузарликлар ҳақида бормоқда.
"Товон пули OFACнинг аниқ қонунбузарликлар ихтиёрий равишда ошкор этилмагани ва очиқ табиатга эга эканлиги ҳақидаги қатъийлигини акс эттиради" - дейилади АҚШ Ғазначилигининг хорижий активларни назорат қилиш бошқармаси баёнотида.
Бундан келиб чиқадики, бўлим State Street Bank билан шартнома тузган. Ушбу ҳужжат ташкилотнинг жаримани тўлашга розилигини тасдиқлайди. Банкнинг қонунбузарликлари натижасида етказилган зарарнинг умумий миқдори 1,27 миллион долларни ташкил этди.
Апрель ойида АҚШ ҳукумати санкцияларни бузганлик учун даъво муддатини икки баравар ошириб, санкциялар тўғрисидаги қонунни кучайтирди, бу эса қонунбузарлик қилган компаниялар учун жарималарни сезиларли даражада оширди. Илгари АҚШ Молия вазирлиги компаниялар фаолиятини беш йил давомида текширган бўлса, энди текшириш муддати ўн йилга оширилди.
