Airbus Қозоғистон учун биринчи А400М ҳарбий самолётини тайёрламоқда
Airbus Қозоғистон Республикаси Мудофаа вазирлиги эҳтиёжлари учун биринчи А400М ҳарбий транспорт самолётини Қозоғистонга жўнатишга тайёрланмоқда. Қозоғистон 2021 йилда иккита самолётга буюртма берган эди, деб хабар беради Кazinform мухбири.
“Қозоғистон Республикаси учун биринчи А400М самолёти бўёқ цехини тарк этди”, — дея хабар беради Airbus.
Аввал хабар қилинганидек, Airbus А400М оғир юк кўтарувчи ҳарбий транспорт самолёти ҳисобланади. У ҳарбий ва фуқаролик гуманитар миссиялари доирасида ҳаво юк ташувларини амалга оширишга қодир ва фавқулодда вазиятларда тезкор ҳаракатни ташкил этишда самаралидир. Airbus А400М етказиб бериш бўйича шартнома ходимларни ўқитиш ва техник ёрдам кўрсатиш бўйича хизматлар пакетини ўз ичига олади.
Президент – Қозоғистон Республикаси Қуролли Кучлари Олий Бош Қўмондони Қасим-Жомарт Тоқаев мудофаа вазирлиги раҳбарининг армиянинг жанговар тайёргарлиги ҳолати тўғрисидаги ҳисоботини тинглади. Қуролли Кучларнинг жанговар салоҳиятини ошириш бўйича кўрсатмалар берди.
Ҳаво ҳужумидан мудофаа кучлари Ҳарбий институти Ми-8 вертолёти экипажининг моҳирона ҳаракатлари туфайли Ойил тумани Берсиев қишлоғининг 15 нафар фуқароси қутқарилди. Вертолёт одамларни қутқариш учун сув босган бинонинг томидан бир метр баландликда турди.
Қозоғистон Республикаси Қуролли Кучлари Ҳаво ҳужумидан мудофаа қўшинларининг вертолёт экипажлари маҳаллий аҳолини сув тошқинлари оқибатларидан қутқариш, озиқ-овқат, иссиқ кийим-кечак ва энг зарур маҳсулотларни етказиб беришда иштирок этишда давом этмоқда. Ҳарбий учувчилар 10 тоннадан ортиқ гуманитар ёрдам етказиб беришди.
