Абдуҳаким Хаджибаев Туркманистон Соғлиқни сақлаш вазири билан учрашди

Хабар берилганидек, бугун Президентимиз Шавкат Мирзиёевнинг таклифига биноан Туркманистон Президенти Гурбангули Бердимуҳамедов расмий ташриф билан мамлакатимизга келди.

Расмий делегация таркибида Туркманистон Соғлиқни сақлаш вазири Нурмухаммет Аманнепесов ҳам бўлиб, Ўзбекистон Соғлиқни сақлаш вазири Абдуҳаким Хаджибаев бугун туркманистонлик ҳамкасби билан учрашди.

Учрашув давомида ўзаро ҳамкорликни янада ривожлантиришга қаратилган қатор масалалар юзасидан мулоқотлар ўтказилди. Шунингдек, Н. Аманнепесов А. Хаджибаев ҳамроҳлигида Болалар миллий тиббиёт марказида бўлиб, у ерда яратилган шарт шароитлар билан танишди.

Туркманистон Соғлиқни сақлаш вазири Ўзбекистоннинг тиббиёт соҳасида эришган ютуқларини эътироф этиб, икки томонлама ҳамкорлик алоқаларининг ривожланиши икки томон учун ҳам манфаатли бўлишига ишонч билдирди.