Маколай Калкин Трампни "Уйда ёлғиз 2" комедиясидан олиб ташлаш таклифини қўллаб-қувватлади

Янги йил комедиялари бўлмиш "Уйда ёлғиз" ва "Уйда ёлғиз  2" картиналарида асосий ролни ижро этган актёр Маколай Калкин АҚШнинг амалдаги президенти Дональд Трамп намойиш этилган саҳнани картинадан олиб ташлаш таклифини қўллаб-қувватлади.

Таъкидланишича, Твиттер ижтимоий тармоғи фойдаланувчилардан бири бош қаҳрамоннинг Трамп билан учрашадиган эпизодини таҳрир қилган. Янги видеода Трамп ўрнига Калкин бўшлик билан гаплашган, яъни Трампнинг гаплари эшитилмаган.

Актёр эса ушбу видео остига "Браво!" деб ёзган.

Баъзи ижтимоий тармоқ фойдаланувчилари ушбу саҳнада Трампни янги сайланган президент Жо Байден билан алмаштиришни таклиф қилишган.