Yaqin 25 yil ichida tipratikanlar yo‘q bo‘lib ketishi mumkin, sababi...

Ekologlarning prognozlariga ko‘ra, tipratikan populyasiyasi 2050 yilga borib yo‘q bo‘lib ketadi. Bu halokatli prognozga iqlim o‘zgarishi sabab bo‘ladi, deb yozadi Telegramdagi Green Alternative.

Gap shundaki, iliq va issiq qish tikanli hayvonlarning qish uyqusining buzilishiga olib keladi. Shu sababli, ular tezroq juftlashish davriga o‘tib ketishadi va birinchi tipratikan bolasi yanvar oyining oxirida tug‘iladi. Ammo mart va aprel oylarida qayta ko‘tarilgan sovuqda tipratikan bolalari nobud bo‘ladi.

Bundan tashqari, tipratikanlarning yo‘q bo‘lib ketishiga qishloq xo‘jaligida ishlatiladigan pestisidlar ham ta’sir qiladi. Ular tufayli hayvonlar turli kasalliklarga ko‘proq moyil bo‘ladi.