Yaponiya bosh vaziri parlamentni tarqatib yubordi

Juma kuni, muntazam parlament sessiyasi boshlanishida Yaponiya parlamentning quyi palatasi - Vakillar palatasini tarqatib yubordi,

Juma kuni ertalab Yaponiya Bosh vaziri Sanae Takaichi hukumati 465 o‘rinli quyi palatani tarqatib yuborish rejasini ma’qulladi. Bosh vazirlar quyi palatani tarqatib yuborish vakolatiga ega bo‘lsa-da, bu 60 yil ichida birinchi marta quyi palata muntazam parlament sessiyasi boshida tarqatib yuborildi.

Jiji Press xabariga ko‘ra, keyingi vazirlar mahkamasi yig‘ilishida hukumat 8 fevralda quyi palata uchun umumiy saylov o‘tkazishga qaror qildi. Shu tariqa, saylovlar quyi palata tarqatilganidan 16 kun o‘tgach bo‘lib o‘tadi, bu esa Ikkinchi jahon urushi yakunlanganidan beri eng qisqa muddat hisoblanadi. Ushbu qaror saylovchilarga raqobatdosh siyosat takliflarini baholash uchun kam vaqt qoldirgani uchun tanqid qilindi.

Rasmiy saylov kampaniyasi kelasi seshanba kuni boshlanishi rejalashtirilgan.

Amaldagi deputatlarning vakolat muddati 2028 yilda tugashini inobatga olgan holda, bosh vazir Sanae Takaichi saylovlar o‘tkazish haqidagi qarorini shu bilan izohladi: u hozirgacha oktyabrda boshlangan bosh vazirlik faoliyati va o‘sha oyda shakllantirilgan, uning Liberal-demokratik partiyasi hamda Yaponiya Innovasiya partiyasidan iborat yangi hukmron koalisiya uchun jamoatchilik qo‘llovini ola olmagan.