O‘zbekiston va Qirg‘iziston parlamentlararo hamkorlikni rivojlantirishga kelishib oldi

O‘zbekiston tomonidan komissiya hamraisi O‘zbekiston Oliy Majlisi Senati Raisining birinchi o‘rinbosari Sodiq Safoyev hisoblanadi. Qirg‘iziston tomonidan – Qirg‘iziston Jogorku Keneshi vise-spikeri Nurlanbek Azigaliyev.

Tomonlar ochiq va konstruktiv ruhda ikki tomonlama munosabatlarning holati va rivojlanish istiqbollarini, parlamentlararo aloqalarni kengaytirish, hududlararo va chegaraoldi hududlari hamkorligini mustahkamlash, shuningdek, yuqori darajada erishilgan O‘zbekiston-Qirg‘iziston kelishuvlarini amalga oshirishga ko‘maklashish masalalarini ko‘rib chiqdilar. Shuningdek, kelgusida davlatlararo va parlamentlararo formatdagi muhim tadbirlar muhokama qilindi.