Tehron Isroilning ehtimoliy zarbasi oldidan Moskvadan razvedka sohasida hamkorlik qilishni so‘radi

Isroil G‘azo sektorida bosqinchilik va qirg‘inbarot urushini boshlaganiga 364 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Xon Yunis, Dayr al-Balah va Nusayrat lageriga hujum qildi. Kun davomida 9 falastinlik halok bo‘ldi.

▪️Urush boshlanganidan buyon 41 788 kishi halok bo‘ldi, 96794 kishi jarohatlandi.

▪️Al-Qassam brigadalari Xon Yunisda bir qator pistirmalar uyushtirdi. Merkava tanklari va boshqa jihozlar portlatildi.

▪️Kecha tunda ishg‘olchi havo kuchlari G‘arbiy Sohilda Tulkarm lageridagi kafega hujum qildi. 21 kishi, jumladan, bolalar halok bo‘ldi.

▪️Isroil Rafiq Hariri aeroporti yaqinidagi Leylek turar-joy massivini deyarli butunlay vayron qildi. Bosqinchilarning 20 ta hujumidan 11 tasi Bayrutning janubiy mahallalariga uyushtirilgan.

▪️Kun davomida Hizbulloh Isroil harbiy ob’ektlariga qarshi 32 ta amaliyot o‘tkazdi. Hizbulloh bilan bo‘lgan janglarda 17 bosqinchi yo‘q qilindi. Hayfadagi Nasher bazasiga 20 ta raketa uchirildi.

▪️New York Times: Tehron Isroilning ehtimoliy zarbasi oldidan Moskvadan razvedka sohasida hamkorlik qilishni so‘radi.

▪️Bosqinchilar Suriya va Livan o‘rtasidagi Masnaa chegara punktini portlatib yubordi. Punkt hozirda yopiq. So‘nggi 2 hafta ichida Suriyaga 30 mingga yaqin qochqin o‘tdi.